A lume o Iskra nº5

Março 2010

O Comité de Campus Sul da USC vem de editar pola quinta vez na história o seu vozeiro. Conservando o formato da última vez que fora publicado, o Iskra está de novo nas aulas.
 
Com esta publicaçom, AGIR recupera um órgao de expressom cuja apariçom depende do peso que tenha o trabalho nos Campus da capital do País. Este ano, com o galho da campanha nacional pola língua, e da reactivaçom das reunions periódicas neste Campus, os e as militantes das suas faculdades exponhem em várias novas e algumhas breves as novidades, o trabalho, e a agitaçom compreendida nos últimos meses.

Em concreto, umha nova referida ao absentismo docente num caso flagrante em Biologia, umha análise das percentagens de uso docente de línguas no nosso Campus (em que se mostra umha marginalizaçom doente), ou a crónica dum interessantíssimo encontro ultra do Opus Dei na Faculdade de Direito, entre outras.