Inaugurada exposiçom de Cavalho Calero em Vigo, nom sem problemas

Março 2010

A exposiçom promovida pola Fundaçom Artábria sobre o ilustre defensor do reintegracionismo, Carvalho Calero, inaugurou-se pola primeira vez na cidade de Vigo graças à colaboraçom, finalmente e com urgência, do IES Castelao, em especial à professora Irene do Rio, aluna do escritor.
 
Este liceu, onde ainda ficam restos de tolerância e consciência nacional, abriu as suas portas a que o estudantado poda ter umha outra perspectiva normativista e acesso ao mundo que lhe corresponde ao galego como língua de prestígio no mundo próprio da lusofonia e da luita censurada e ocultada que intelectuais como Carvalho Calero começárom e que é continuada pola organizaçom estudantil da esquerda independentista.
 
Por outra banda, expressamos o nosso mais sincero rechaço à direcçom do IES Alexandre Bóveda, que após aceitar receber a exposiçom, mudou de opiniom na última hora. A má educaçom e falta de cortesia, a visom ritualizante e folclorizante da nossa língua, a censura a certas organizaçons de determinada ideologia e duns marcados princípios, a consideraçom do galego como língua dependente do espanhol estám por trás deste cámbio de ritmo que responde a umha decissom política contra a livre expressom nos centros escolares.